Б.Оюунсүрэн олон улсын тэмцээнээс медаль хүртжээ

Шведийн Клиппанд гуравдугаар сарын 5-6-ны өдрүүдэд  чөлөөт бөхийн олон улсын тэмцээн боллоо. Тус тэмцээнд манай улсаас  55 кг-ын жинд Спортын мастер Т.Мөнхтуяа, 67 кг-ын жинд спортын мастер Б.Оюунсүрэн нар Орхон-Уул аймгийн “Хангарьд” клубын дасгалжуулагч Чүлтэмсүрэнгийн Раднаабазарын удирдлага дор оролцлоо. Монголын тамирчдаас тус тэмцээнд анх удаа оролцсон бөгөөд Б.Оюунсүрэн хүрэл медаль хүртлээ.

ХҮҮХДИЙН СПОРТЫН IV ИХ НААДАМ-2011 Завхан Улиастай

Хүүхдийн спортын IV их наадам Улиастай суманд 01 сарын 22-23-ны өдрүүдэд Сагсан бөмбөг, Чөлөөт бөх, ширээний теннис гэсэн төрлүүдээр эхний ээлжийн тэмцээнүүд  зохион байгуулагдлаа. Энэ удаагийн тэмцээнд 22 сумын ЕБ-ын сургуулиудын 700 –н тамирчин оролцож, 151-н багц медалийн төлөө хурд хүч, авхаалж самбаа, тэсвэр хатуужилаа сорин өрсөлдлөө.